Camiño de sirga foi unanimemente saudada como unha das mellores novelas da literatura catalá das últimas décadas cun gran éxito de crítica e de vendas, coroada cos máis prestixiosos galardóns.

Exposta como un maxistral fresco narrativo, en Camiño de sirga conflúen a realidade e o mito, a ironía e a tenrura, a nostalxia e o ímpeto literario.

A novela evoca a desaparición de Mequinenza, unha cidade no enclave do Ebro e do Segre, que nun tempo foi o centro dunha importante conca mineira e dun intenso tráfico fluvial, e que se ve condenada a quedar mergullada polas augas dun pantano.

A través das vivencias dunha infinidade de personaxes -navegantes, cupleteras, cafeteiros, mineiros e burgueses-, cuxos recordos se entrecruzan, o autor rememora o último século de vida da poboación da cidade.

1º-2º BAC

Adultos/as