Nunha terra de tres soles que nunca dan paso á escuridade, a moza asasina Mia Corvere acaba de unirse á banda máis mortífera da República.
De nena, Mia sobreviviu soa e a duras penas tras a rebelión errada do seu pai, que morreu executado por traizón. Pero o seu misterioso don para conversar coas sombras levouna por un camiño máis sinistro do que xamais puidese imaxinar.
Agora, anos máis tarde, debe demostrar a súa valía na Igrexa Vermella. Os corredores desta escola de asasinos están cheos de traizóns e, para chegar a ser a adversaria que desexa, Mia ten que sobrevivir á iniciación.
Se o logra, estará un paso máis preto do seu único obxectivo: vinganza.