Xa instalada na súa nova escola, a vida parece sorrir a Nikki Maxwell, especialmente dende que o rapaz que lle gusta, Brandon, lle pediu ser o seu compañeiro de laboratorio. Porén, cando Nikki escoita a Mackenzie gabarse de que Brandon a leva a un baile de "Halloween", comprométese a pasar esa noite nunha festa infantil xunto coa súa irmá pequena Brianna. Depois de descubrir que Mackenzie mentía e que o seu soño de ir á festa con Brandon podería facerse realidade, Nikki terá que facer malabarismos para asistir ás dúas festas. E non só iso! Agarda por ela un camiño cheo de divertidos sarillos!