Último volume da "Trilogía de la Niebla"

Cando Simone Sauvelle, nai de Irene e Dorian, acepta unha oferta de traballo como ama de chaves nun pequeno pobo da costa de Normandía, ela comeza a crer que por fin, tras a morte do seu esposo, sorrille a fortuna. Xunto aos seus fillos queda fascinada por Cravenmoore, o marabilloso predio onde se instalan, e polo seu propietario, Lazarus Jann, inventor e fabricante de xoguetes e autómatas que coida con veneración de Alexandra, a súa esposa. En Baía Azul Irene establecerá amizade con Hannah, a cociñeira do castelo, e namorarase do seu primo Ismael, un mozo pescador, solitario e apaixonado polo mundo da navegación que lle fará descubrir os misterios da illa do faro abandonado. Pero moi pronto unha sombra chea de odio e vinganza regresará do pasado para recuperar aquilo que foi seu e para impedir que Lazarus e os Sauvelle poidan vivir plenamente o amor e a felicidade.