Unha mañá, o cadáver dun mariñeiro é arrastrado pola marea ata a beira dunha praia galega. Se non tivese as mans atadas, Xusto Castelo sería outro dos fillos do mar que atopou a súa tumba entre as augas mentres faenaba. Sen testemuñas nin rastro da embarcación do falecido, o lacónico inspector Leo Caldas mergúllase no ambiente mariñeiro do pobo, tratando de esclarecer o crime entre homes e mulleres que se resisten a desvelar as súas sospeitas e que, cando se deciden a falar, apuntan nunha dirección demasiado insólita. Un asunto brumoso para Caldas, que atravesa días difíciles: o único irmán do seu pai está gravemente enfermo e a súa colaboración radiofónica en Onda Vigo está a volverse insoportable. Tampouco facilita as cousas o carácter impulsivo de Rafael Estévez, o seu axudante aragonés, que non acaba de adaptarse á forma de ser do inspector