"Capitanes intrépidos" cóntanos a historia dun rapaz que viaxa nun transatlántico coa súa nai. Un accidente arrástrao e é rescatado por un barco pesqueiro, no que pasará un verán. Alí aprenderá o que é a dura loita diaria para sobrevivir no medio dun océano perigoso, ó que hai que dominar con destreza, pero que tamén ofrece soños e liberdade. Haberá sitio para a amizade e para tomar conciencia da importancia que ten o home no grupo humano.