É a primeira vez que o mozo Germán pisa unha casa destas características. Fannos agardar no salón, rodeados de mobles escuros, tapices, retratos. Ao tempo, unha melodía de piano, que parece parte dunha ilusión, envolve os obxectos e chega morosa aos oídos de Germán, que goza da música. Ao teclado estará Federico García Lorca e ese encontro cambiará o destino do novo, cando o poeta chegue a ofrecerlle xenerosamente darlle leccións de piano.
Non pode sabelo aínda. Os ventos da guerra non se desataron na Península, coa súa onda de crimes, de desgraza.

3º-4º ESO