No Estado Único sitúase a cidade de cristal e aceiro. Separada por un enorme muro do exterior, coñecido como mundo salvaxe. Os homes-número traballan sen horario fixo, constantemente observados polo Benfeitor, á vista de todos pois a vida privada non existe, non ten cabida nesta sociedade na que o eu deixou de ter lugar fronte ao nós. A narración transcorre a través dun íntimo diario de D-503, un construtor de naves interestelares. D-503 namórase, e namorarse é unha rebelión en si, é optar polo individualismo, renunciar ao nós como sociedade.
Nós é unha novela distópica escrita polo escritor ruso Yevgueni Zamiatin no ano 1924. Esta obra é unha das primeiras distopías da historia. George Orwell declarou que fora unha das súas inspiracións para escribir 1984.
Ambiéntase nunha sociedade futura na que a vixilancia e a represión que exerce o estado é absoluta sobre a poboación.