O inspector Carl Mørck está no cárcere. Despois de quince anos, un caso nunca resolvido do pasado alcanzouno de cheo, e os cargos de tráfico de drogas e asasinato ameazan con destruír a súa vida e a súa carreira. Pero todo indica que o están incriminando inxustamente. Alguén ofrece unha recompensa dun millón de dólares pola súa cabeza, e así o pon en grave perigo entre os criminais e os funcionarios corruptos da prisión, pero por que? Cando os colegas de Carl Mørck no Departamento de Policía de Copenhague danlle as costas, só pode contar para limpar o seu nome co leal equipo do Departamento Q e cunha persoa á que Carl salvou a vida no pasado.